Asnjëri nga tre kandidatët e propozuar nga Lëvizja “Vetëvendosje” në Kosovë, Hekuran Murati, Dimal Basha dhe Arbërie Nagavci, nuk ka arritur të marrë votat e nevojshme për t’u zgjedhur kryetar i Kuvendit.
Lëvizja “Vetëvendosje” ka dështuar sërish të marrë votat e deputetëve për propozimet e saj për kryetar të Kuvendit.
Seanca nisi me deputetin Hekuran Murati, pastaj me deputeten, Arbërie Nagavaci e në fund edhe me deputetin Dimal Basha. Të tre dështuan të zgjidhen në pozitën e kryeparlamentarit.
Pas dështimit të zgjedhjes së kryetarit të Kuvendit në vazhdimin e seancës konstituive, kryesuesi Avni Dehari e ka ndërprerë atë, duke bërë të ditur se përpjekja e radhës do të bëhet të martën (26.08.2025).
Leave a Reply