Kryeministri izraelit Benjamin Netanjahu po përballet me presion në rritje për të arritur një armëpushim – për të siguruar lirimin e pengjeve të mbetura që mbahen në Rripin e Gazës dhe për të ndaluar luftën përpara se ushtria të fillojë ofensivën e saj për të pushtuar Qytetin e Gazës.
Muajtë e negociatave indirekte për armëpushim midis Izraelit dhe Hamasit deri më tani nuk kanë dhënë rezultate.
Anëtarët e ekstremit të djathtë të qeverisë së Netanjahut janë kategorikisht kundër arritjes së një marrëveshjeje me grupin islamist palestinez.
Media izraelite raportoi se ministri i Financave i ekstremit të djathtë, Bezalel Smotrich u tha të afërmve të pengjeve se do të dilte nga koalicioni qeverisës nëse Netanjahu pranonte një armëpushim.
Si një zgjidhje alternative, figura kryesore e opozitës izraelite Benny Gantz propozoi dje formimin e një qeverie gjashtëmujore për shpengimin e pengjeve – për të mundësuar një marrëveshje.
Leave a Reply