Zëvendëspresidenti i SHBA-së, J.D. Vance, tha se Rusia ka bërë “lëshime të rëndësishme” për t’i dhënë fund konfliktit të saj me Ukrainën. “Rusët i kanë bërë lëshime të rëndësishme presidentit Trump, për herë të parë në tre vjet e gjysmë të këtij konflikti”, tha Vance për transmetuesin amerikan NBC.
“Ata në fakt kanë qenë të gatshëm të jenë fleksibël në disa nga kërkesat e tyre kryesore. Ata kanë folur për atë që do të ishte e nevojshme për t’i dhënë fund luftës”, tha Vance.
Zëvendëspresidenti i SHBA-së tha se Moska ka pranuar “se Ukraina do të ketë integritet territorial pas luftës. Ata kanë pranuar se nuk do të jenë në gjendje të instalojnë një regjim kukull në Kiev”.
Vance përsëriti gjithashtu se Shtetet e Bashkuara nuk do të dërgojnë trupa për të zbatuar një marrëveshje paqeje.
“Presidenti ka qenë shumë i qartë. Nuk do të ketë trupa në terren në Ukrainë”, tha Vance, duke shtuar se SHBA-të do të “vazhdojnë të luajnë një rol aktiv në përpjekjen për të siguruar që ukrainasit të kenë garancitë e sigurisë dhe besimin që u nevojitet për të ndaluar luftën nga ana e tyre dhe rusët të ndihen sikur mund ta çojnë luftën në një përfundim nga ana e tyre”.
Leave a Reply