Presidenti ukrainas, Volodimir Zelenski, u takua në Kiev me Shefin e Shtabit të Ushtrisë Britanike, admiralin Sër Antony Radakin, dhe pasuesin e tij, drejtuesin e Forcës Ajrore, marshal Sër Richard Knighton.
Diskutimi u përqendrua në mbështetjen e mëtejshme për Ukrainën, situatën në frontin e luftës, dërgimin e armatimit e furnizimeve të nevojshme, financimin për prodhimin e dronëve ukrainas dhe projektet e përbashkëta.
Gjithashtu, në takim u fol edhe për përpjekjet diplomatike për ndalimin e luftës dhe arritjen e një paqeje të qëndrueshme.
Në takim u bisedua edhe për Garancitë e Sigurisë, të nevojshme për Ukrainën dhe zhvillimet në Koalicionin e të Vullnetshmëve.
Leave a Reply