Presidenti ukrainas Volodimir Zelenski tha se Turqia, vendet e Gjirit ose vendet evropiane mund të presin çdo bisedim që ai mund të zhvillojë me presidentin rus Vladimir Putin.
“Tani, këtë javë do të ketë kontakte me Turqinë, kontakte me vendet e Gjirit dhe me vendet evropiane që mund të presin bisedimet me rusët,” tha Zelenski të martën në një fjalim të tij të përnatshëm me video.
“Për pjesën tonë, gjërat do të përgatiten në maksimum për ta përfunduar luftën.”
Zelensky foli ndërkohë që shefi i stafit të tij, Andriy Yermak, tha se ai dhe kreu i këshillit të sigurisë kombëtare të Ukrainës ndodheshin në Katar për t’u takuar me ministrin e mbrojtjes së atij vendi.
Leave a Reply