Turqia shënon sot 103-vjetorin e Ditës së Fitores së 30 gushtit. Presidenti turk, Rexhep Taip Erdogan, e theksoi këtë ditë si simbol të vendosmërisë së kombit turk për liri, qëndrueshmëri dhe pavarësi të përjetshme.
“Si komb, po përjetojmë gëzimin të ndiejmë përsëri krenarinë dhe entuziazmin e Ditës së Fitores së 30 gushtit, një nga momentet dhe faqet e arta në historinë tonë”, tha Erdogan në një deklaratë.
“Kjo ditë e lavdishme është një nga mishërimet më të forta të vullnetit të paparë, besimit të palëkundur dhe heroizmit që kombi turk shfaqi për pavarësi dhe të ardhmen”, shtoi ai.
Erdogan tha se “Fitorja e Madhe”, e arritur nëpërmjet patriotizmit të ushtrisë dhe vendosmërisë së kombit, “rrëzoi zinxhirët e skllavërisë”, hodhi themelet e Republikës dhe qëndron si një simbol i ringjalljes së kombit, luftës për “ekzistencë” dhe “pavarësi të përjetshme”.
“Kjo është një fitore kaq e madhe saqë frymëzoi shpresë jo vetëm për kombin turk, por edhe për kombet e tjera të shtypura, duke u bërë simbol i idealit të pavarësisë”, shtoi ai.
Leave a Reply