Komandanti i KFOR-it, Gjenerali Enrico Barduani, priti sot (e hënë) presidenten Vjosa Osmani në Shtabin e KFOR në Prishtinë, ku diskutuan për situatën e sigurisë, stabilitetin rajonal dhe bashkëpunimin me institucionet e Kosovës.
Komandanti i misionit të NATO-s në Kosovë, Gjenerali Enrico Barduani, priti sot në takim presidenten Vjosa Osmani në Shtabin e KFOR në Camp Film City, Prishtinë.
Gjatë takimit, siç njofton KFOR, u diskutua për situatën e sigurisë, stabilitetin rajonal dhe bashkëpunimin ndërmjet KFOR dhe institucioneve të Kosovës.
“Gjenerali Barduani uroi një zgjidhje të shpejtë të ngërçit parlamentar dhe ritheksoi rëndësinë e koordinationit të rregullt dhe komunikimit të qëndrueshëm ndërmjet KFOR dhe organizatave të sigurisë së Kosovës”, thuhet në njoftim.
KFOR thekson se vazhdon të zbatojë mandatin e tij bazuar në Rezolutën e OKB-së, për të kontribuar në një mjedis të sigurt dhe të qëndrueshëm për të gjithë komunitetet në Kosovë, duke punuar në koordinim me Policinë e Kosovës dhe EULEX-in.
Leave a Reply