Kompanitë e specializuara të përpunimit të të dhënave për transportin ajror kanë nxjerrë disa detaje për fluturimin e Presidentes së Komisionit Europian, Ursula Von Der Lejen, nga Polonia në Bullgari, që u raportua të ishte shënjestër e një sulmi rus për bllokimin e sistemit të navigimit GPS:
Fluturimi ishte parashikuar të zgjaste 1 orë e 48 minuta dhe zgjati 1 orë e 57 minuta, pra 9 minuta më shumë se parashikimi.
Transporderi i avionit ka raportuar për sinjal të mirë të GPS, nga ngritja deri në ulje.
Distanca e përshkuar ka qenë 1.160 km nga Varshava
në Plovdiv
.
Nga trajektorja duket qartë se ulja nuk ka qenë e lehtë, duke e detyruar pilotin të realizojë disa manovra rreth aeroportit ndërkombëtar të Plovdivit, në lindje të kryeqytetit, Sofje.
Avioni i përdorur është “Dassault Falcon 900LX”, i njohur për fluturime të posaçme jotregtare, kryesisht shtetërore, institucionale apo biznesi.
Avioni nuk ka asnjë shënim në trupin e tij, por vetëm kodin e regjistrimin OO-GPE.
Leave a Reply