Një avion i posaçëm amerikan për lartësitë e mëdha “RQ-4 Global Hawk” ka patrulluar gjatë gjithë ditës së sotme kufirin lindor tē #NATO-s.
I nisur nga baza e Sigonelës në Siçili
, avioni pa pilot dhe i pajisur me sensorë për të fluturuar ditën dhe natën, pavarësisht kushteve të motit, ka kapacitete grumbullimi të inteligjencës, survejimi dhe rikonjicioni.
Avioni supermodern, nga jugu i Italisë ka kaluar në Greqi, pastaj pranë kufirit greko-turko-bullgar, për t’u ngjitur drejt veriut në Rumani, Hungari, Sllovaki dhe Poloni. Rrugëtimi i avionit, që mund të fluturojë deri në 20 km lartësi, ka vijuar në tre vendet balltike (Lituani, Letoni, Estoni) dhe më tej në Finlandë, ku ka bërë disa manovra, në bregdetin norvegjez në veri, për t’u kthyer sërish.
Pavarësia në fluturim e një avioni të tillë është 28-30 orë, duke i mundësuar realizimin e misioneve shumë speciale. Ai ofron për trupat në terren thuajse në kohë reale mbulim me inteligjencë për imazherinë dhe sinjalet (#IMINT dhe #SIGINT), si dhe për objektet në lëvizje.
Leave a Reply