Mijëra trupa perëndimore mund të vendosen në Ukrainë si pjesë e garancive të sigurisë të ofruara nga aleatët e Kievit kundër Rusisë, deklaroi presidenti Volodimir Zelenski. ”Këto trupa pritet të jenë me mijëra. Ky është një fakt, por është ende pak herët për ta diskutuar në detaje”, tha ai në një konferencë të përbashkët për shtyp me presidentin e Këshillit Evropian Antonio Costa në Ukrainën perëndimore.
”Është e rëndësishme që garancitë e sigurisë të premtuara Kievit nga vendet e Koalicionit të të Vullntshëmve të hyjnë në fuqi menjëherë, pa pritur fundin e luftimeve”, tha ai.
Zelensky tha më pas se garancitë përfshijnë edhe garanci ekonomike, duke falënderuar 26 vendet që kanë shprehur gatishmërinë e tyre për të mbështetur sigurinë e Ukrainës, duke e quajtur atë një “hap të rëndësishëm përpara”.
”Lidhur me garancitë e sigurisë për Ukrainën, tashmë ka 45 vende në koalicion, dhe 26 prej tyre janë të gatshme të ndihmojnë me mbështetje të vërtetë sigurie. Ky është një ndryshim i madh. Këto janë vende të forta, përfshirë Italinë, dhe presidenti Trump ka konfirmuar se Amerika është gati të marrë pjesë”, theksoi ai.
Leave a Reply