Përsëri dhunë në Serbi, dhjetëra të lënduar në Novi Sad

Dhjetëra persona janë lënduar si pasojë e përleshjeve mes protestuesve dhe policisë në Novi Sad të Serbisë.

Sipas njoftimeve, dhuna shpërtheu në afërsinë e fakultetit filozofik, i cili gjatë ditëve të fundit është bërë qendra e protestave në këtë qytet por shpejtë u përhap edhe në pjesët tjera të qytetit.

 Zyrtarët kanë thënë se si pasojë e dhunës janë lënduar 13 polic dhe kanë shtuar se 42 persona janë lënduar por kundërshtarët e Vuçiqit thonë se numri i të arrestuarve është shumë i madh dhe shtojnë se policia ka ushtruar dhunë arbitrare mbi këdo që ishte në afërsi të protestave jo vetëm ndaj protestuesve të cilët po kërkojnë zgjedhje të reja dhe largimin e presidentit Vuçiç.

 Ndërkohë, Vuçiq i është drejtuar popullit duke akuzuar protestuesit për inicimin e dhunës dhe duke akuzuar anëtarët e parlamentit evropian, të cilët gjinden në vizitë Serbisë, për orkestrimin e protestave dhe tentim të “shkatërrimit të Serbisë”

Protestat anti-1everitare të cilat filluan para 10 muajve si pasojë e tragjedisë në Novi Sad kur si pasojë e rrëzimit të një pjese të stacionit të trenave vdiqën 16 persona- nuk tregojnë shenja që do të ndalojnë përderisa as autoritetet nuk duket të jenë të gatshme të plotësojnë kërkesat e protestuesve.