Nënkryetari i Lëvizjes Vetëvendosje, Glauk Konjufca, sot në mbledhjen e Këshillit të Përgjithshëm të Vetëvendosjes, ka propozuar kryetarin e kësaj partie, Albin Kurti, për kryeministër të Kosovës.
Konjufca tha se verdiktin e ka dhënë populli. Ai tha Kushtetuta është para një vendimi të madh. Sipas tij, ajo nuk ka çka të interpretojë përtej Kushtetutës.
Në mbledhjen e Këshillit të Përgjithshëm të Lëvizjes Vetëvendosje, Kojunfca ka thënë se sivjet kanë parë përpjekjen më të rrezikshme për mosnjohjen e rezultatit zgjedhor.
Sipas tij, partitë politike të cilat e kanë shpallur veten kundërshtare të Lëvizjes Vetëvendosje, qysh nga certifikimi i zgjedhjeve janë munduar të thonë se vetëm një votë më pak se 50 për qind, dhe shteti mbetet pa Kuvend.
“Çështja e themelimit të Kuvendit është akt i rendit të vullnetit të popullit si rezultat zgjedhor. Të jesh kundër themelimit të vendit, është sikur të jesh kundër vetvetes. Në fund mund të thuhet se kriza zgjati se partitë vendosen që VV-ja të mos ketë kryetare Albulena Haxhiun, kurse kjo krizë po zgjatë ende sepse ato po mendojnë që nuk ka republikë pa një nënkryetar serb”, ka thënë ai.
Leave a Reply