Donald J. Trump ishte në tribunën e stadiumit të tenisit “Artur Ashe” në Nju-Jork për të ndjekur finalen e meshkujve në #USOpen mes spanjollt Alkaraz dhe italianit Siner.
#Trump e ndoqi ndeshjen nga një suitë e stadiumit 24 mijë vendësh dhe u shfaq duke firmosur autografë dhe nderuar himnin kombëtar.
Presidenti amerikan ishte i ftuar nga #Rolex, një ndër sponsorët kryesorë të sportit të tenisit. Ai e pranoi ftesën për të qenë në stadium, si pjesë e strategjisë së tij në mandatin e dytë presidencial, për të marrë pjesë në ngjarjet kryesore sportive.
Megjithatë administrata Trump i ka “goditur” produktet zvicerane, përfshirë prodhuesin e famshëm të orave, me tarifë importi 39 %, rreth 2.5 herë më shumë se mallrat e Bashkimit Evropian që hyjnë në Shtetet e Bashkuara.
Pas një ndeshjeje emocionuese, #Alkaraz fitoi “US Open”, një ndër katër turnetë e tenisit më të rëndësishëm në botë.
Leave a Reply