Dy të vrarë e dy të plagosur në Shkodër, reagon kryebashkiaku

Dy persona kanë mbetur të vrarë dhe dy të tjerë të plagosur mëngjesin e së hënës në Shkodër. Policia njoftoi se “rreth orës 08:50, në lagjen “Qemal Stafa”, në ambientet e jashtme të një lokali, dyshohet se shtetasi R. G. ka qëlluar me armë zjarri dhe si pasojë ka humbur jetën në vendngjarje shtetasi A. P., ndërsa në Spitalin Rajonal Shkodër ka ndërruar jetë edhe shtetasi L. K. (L.), 31 vjeç”. Gjithashtu, janë plagosur shtetasi E. V. (B.), 43 vjeç, i cili ndodhet nën kujdesin e mjekëve, si dhe shtetasja M. K., 25 vjeçe, e cila është dëmtuar lehtë”.

Kryetari i bashkisë së Shkodrës, Benet Beci reagoi pas ngjarjes së rëndë, ku mbetën të vrarë dy person dhe dy të tjerë të plagosur.

Beci u shpreh se ky mëngjes për Shkodrën nuk ishte ai i zakonshmi, pasi sië u shpreh ai, një ngjarje kriminale që duhet të marrë ndëshkimin e ashpër të ligjit ka tronditur zemrën e qytetit.

Kryebashkiaku i Shkodrës, theksoi se ka kontaktuar Ministrin e Brendshëm dhe të gjitha strukturat që luftojnë krimin, në emër të jetës dhe sigurisë së qytetarëve të Shkodrës, të cilët sipas Becit nuk meritojnë të përballen me skena të tilla.