Gjykata e Posaçme e Apelit për Korrupsionin dhe Krimin e Organizuar la në fuqi arrestin me burg për ish-Presidentin e Republikës dhe presidentin e Partisë së Lirisë Ilir Meta, i cili kishte ankimuar vendimin, duke kërkuar lirimin nga qelia.
Vendimi u mor sot nga Apeli i GJKKO me trup gjykues monokratik të përbërë nga gjyqtare Igerta Hysi.
Kundër vendimit lejohet rekurs në Gjykatën e Lartë, brenda 45 ditëve, duke filluar ky afat nga e nesërmja e njoftimit të vendimit.
Në një prononcim për mediat avokati Kujtim Cakrani tha se do të vazhdojë me kërkesën për zëvendësimin e masës.
Ai ngriti akuza edhe ndaj gjyqtarëve që sipas tij nuk u ngritën në lartësinë e detyrës së tyre.
Leave a Reply