Hamasi njoftoi se ka marrë “disa ide” nga Shtetet e Bashkuara të Amerikës (ShBA) nëpërmjet Katarit dhe Egjiptit në lidhje me një marrëveshje armëpushimi në Gaza dhe se ka mirëpritur çdo hap që do të ndihmojë në përfundimin e sulmeve gati dyvjeçare të Izraelit në Gaza, njoftoi media turke.
Në një deklaratë të bërë nga Hamasi thuhet se “kemi marrë disa ide nga ShBA-ja nëpërmjet ndërmjetësve (Katari dhe Egjipti) në lidhje me një marrëveshje armëpushimi”.
Deklarata thekson se “është i mirëpritur çdo hap” që do të kontribuojë në përpjekjet për t’i dhënë fund sulmeve gati dyvjeçare të Izraelit në Gaza.
Në deklaratën thuhet se Hamasi është gati të takohet në tryezën e negociatave sa më shpejt të jetë e mundur për të diskutuar lirimin e pengjeve izraelitë në Gaza. Gjithashtu tërhiqet vëmendja se në këmbim të kësaj “duhet të njoftohet në mënyrë të hapur përfundimi i luftës, Izraeli duhet të tërhiqet plotësisht nga Gaza dhe një komitet i përbërë nga palestinezë të pavarur duhet të krijohet menjëherë për të qeverisur Gazën”.
Po ashtu në deklaratë bëhet e ditur gjithashtu se Izraeli duhet t’i përmbahet qartë marrëveshjes dhe të sigurojë që përvojat e mëparshme të mos përsëriten.
Leave a Reply