Gjiganti gjerman i mbrojtjes “Rheinmetall” planifikon të furnizojë Ukrainën me sistemin e ri të mbrojtjes ajrore “Skyranger”, për të përballuar dronët, sipas drejtorit ekzekutiv Armin Papperger.
Kontrata pritet të nënshkruhet në panairin e mbrojtjes “DSEI” në Londër, ndërsa dërgesat e para parashikohen të nisin në fund të këtij viti, tha Papperger për transmetuesin publik “ZDF”.
Sipas tij, marrëveshja kap vlera prej qindra milionë eurosh.
“Skyranger” është një sistem i lëvizshëm mbrojtjeje ajrore që mund të montohet mbi automjete.
“Secili nga këto sisteme mund të mbulojë një zonë katër me katër kilometra dhe ta bëjë atë plotësisht të lirë nga dronët”, u shpreh Papperger.
Leave a Reply