Presidenti ukrainas Volodimir Zelenski tha se sulmet me dronë të Rusisë gjatë natës në Ukrainë, tregojnë se Moska po vazhdon të shtyjë kufijtë e saj, sipas BBC. Zelenski tha se sulmet masive vranë një person në rajonin Zhytomyr dhe plagosën tre të tjerë në Volochysk, ku u godit një punishte.
“Pesëmbëdhjetë rajone u shënjestruan gjatë natës në një sulm që përfshinte 415 dronë të llojeve të ndryshme dhe më shumë se 40 raketa kruiz dhe balistike”, tha ai.
“Moska gjithmonë po shtyn kufijtë e asaj që është e mundur, dhe nëse nuk has një reagim të fortë, ajo mbetet në nivelin e ri të përshkallëzimit”, tha Zelenski.
“Sot pati një hap tjetër të përshkallëzimit. Dronët “Shahed” ruso-iranianë operuan në hapësirën ajrore të Polonisë, në hapësirën ajrore të NATO-s. Nuk ishte vetëm një “Shahed” që mund të quhej aksident, por të paktën tetë dronë sulmues të drejtuar drejt Polonisë”, theksoi presidenti ukrainas.
Leave a Reply