Hetuesit kanë gjetur një pushkë që besohet të jetë përdorur në vrasjen e komentatorit politik konservator amerikan, Charlie Kirk, njoftoi FBI-ja.
Robert Bohls, agjent special i FBI-së përgjegjës për zyrën në Salt Lake City, tha se “pushka me precizitet të lartë me mbushje manuale” u gjet në një zonë pyjore të lidhur me rrugën e arratisjes së të dyshuarit.
“Laboratori i FBI-së do ta analizojë këtë armë. Hetuesit gjithashtu kanë mbledhur gjurmë këpucësh, një shenjë pëllëmbe dhe shenja të parakrahut për analizë”, tha Bohls para gazetarëve.
Detajet e tjera mbi të dyshuarin e sulmit të së mërkurës mbeten të pakta, ndërsa forcat e rendit po i shqyrtojnë pamjet nga kamerat e sigurisë, por autoritetet thanë se individi “duket të jetë në moshë studentore.”
Leave a Reply