Dhomat e Specializuara të Kosovës në Hagë kanë njoftuar se më 15 shtator do të nisë zyrtarisht dëgjimi i dëshmitarëve të mbrojtjes në gjykimin ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi.
Ish-diplomati amerikan Xhejms Rubin, i cili ishte edhe asistent i Sekretarit për Punë Publike në administratën e ish-presidentit amerikan Bill Klinton, ka paralajmëruar se javën e ardhshme do të dëshmojë në Gjykatën Speciale. Ai do të jetë dëshmitar i mbrojtjes së ish-presidentit të Kosovës, Hashim Thaçi.
Në një podcast me gazetaren e njohur Christiane Amanpour, ai tregoi se në dëshminë e tij do të ketë shumë për të thënë.
“Do të jem në Evropë, sepse javën e ardhshme do të jap dëshmi në Tribunalin Special për krime lufte në Kosovë. Si dikush që ka qenë i dobishëm për Madeleine Albright-in dhe në themelimin e Tribunalit fillestar për krime lufte, do të rikthehem në të kaluarën dhe kam më shumë për të thënë për këtë javën tjetër”, ka deklaruar ai.
RTK
Leave a Reply