Madrid, 25 të plagosur pas shpërthimit të gazit në një bar

Të paktën 25 persona u plagosën, pesë prej tyre rëndë, pas një shpërthimi gazi që ndodhi sot në një lokal në Puente de Vallecas, Madrid, sipas oficerëve të pranishëm në vendngjarje, njoftoi ”El Pais”.

Shpërthimi, i cili ndodhi rreth orës 15:00 në Calle Manuel Maroto, preku edhe një pallat, që ndodhet sipër barit, si edhe lokalin ”Mis Tesoros”, ngjitur me të.

Zjarrfikësit po pastrojnë mbeturinat për shkak të paqëndrueshmërisë së ndërtesës – është e rrezikshme të futen makineri brenda – dhe ndërtesa është evakuuar.

Fqinjët pretendojnë se ambienti ku ndodhi shpërthimi ishte në fakt një bodrum i banuar.