Nolan Cinali
Me miratimin në Kuvend të qeverisë së re dhe betimin e ministrave para Presidentit të Republikës merr fund edhe aventura e shkurtër e Ervin Hoxhës në krye të Ministrisë së Brendshme. Tashmë ai do të ngrohë një ulëse në Kuvendin e Shqipërisë si deputet i thjeshtë.
Thuajse të gjithë ministrat e tjerë të larguar nga qeveria morën angazhime parlamentare në komisione të ndryshme, por për ish-ministrin e Brendshëm nuk kishte asnjë propozim. Pas një “barre” të madhe mbi supe për 13 muaj, Hoxha tashmë do të jetë i lirë të shijojë mandatin e deputetit.
Megjithatë, si për cdo ministër që largohet, lind natyrshëm pyetja: Cila është trashëgimia që la pas? Apo më saktë akoma: Pse do të kujtohet për kohën në drejtimin e ministrisë?
Në rastin e Ervin Hoxhës, përgjigja është sa e shpejtë dhe e thjeshtë, aq edhe e shkurtër: Për asgjë.
Ndaj dhe kjo përpjekje për të analizuar punën e ish-ministrit të Brendshëm mbyllet këtu. Asgjë është asgjë.
Leave a Reply