Nis zbatimi i Kartës së Artë “Trump” për qëndrim në SHBA

Presidenti amerikan, Donald Trump, shpalli programin e ri për sigurimin e rezidencës në Shtetet e Bashkuara.

Karta e Artë “Trump” është një kartë qëndrimi në Shtetet e Bashkuara, por në thelb ajo është një vizë për individë, të cilët kanë aftësi të sjellin përfitime për SHBA.

Për të aplikuar për këtë kartë, një individ duhet të paguajë një tarifë për procesin e dhënies së vizës. Me marrjen e pagesës, do të nisë edhe procesi i vlerësimit, duke kërkuar dokumentacion mbështetës nga aplikanti.

Nëse dhënia e vizës do të pranohet, individi duhet të bëjë një dhuratë prej 1 milion dollarë për të siguruar Kartën e Artë “Trump”.

Mbajtësit e kartës do të kenë mundësi të qëndrojnë në të 50 shtetet e SHBA, përfshirë territoret e tjera pjesë e shtetit amerikan. Ata do të kenë rezidencë të përhershme si mbajtës të vizave EB-1 dhe EB-2.