Ministrja për Evropën dhe Punët e Jashtme e Shqipërisë, Elisa Spiropali, zhvilloi sot (e dielë) një bisedë telefonike me homologun e saj estonez, Margus Tsahkna, për të diskutuar mbi shkeljen e rëndë të hapësirës ajrore të Estonisë nga avionë luftarakë rusë dhe nevojën për konsultime urgjente sipas Nenit 4 të Traktatit të NATO-s.
Në postimin e tij në rrjetin social X, Tsahkna përgëzoi Spiropalin për emërimin e saj të ri si Ministre për Evropën dhe Punët e Jashtme dhe theksoi rëndësinë e bashkëpunimit mes dy vendeve.
“Diskutuam shkeljen e rëndë të hapësirës ajrore nga Rusia dhe nevojën për konsultime të Nenit 4 me NATO-n. Estonia dhe Shqipëria janë partnerë dhe aleatë të mirë. Presim me padurim thellimin e bashkëpunimit tonë,” shkroi Tsahkna.
Leave a Reply