Presidenti francez Emanuel Makron njoftoi të hënën se vendi i tij e njeh zyrtarisht shtetin e Palestinës. “Unë deklaroj se sot Franca njeh shtetin e Palestinës”, tha Macron në një konferencë ndërkombëtare mbi Palestinën në Nju-Jork përpara fillimit të Asamblesë së Përgjithshme të OKB-së këtë javë.
Ai theksoi se njohja përfaqëson “zgjidhjen e vetme që do t’i mundësojë Izraelit të jetojë në paqe”.
Makron tha se njohja e Francës “është një disfatë për Hamasin, ashtu si për të gjithë ata që fermentojnë antisemitizmin, ushqejnë obsesione antisioniste dhe që duan shkatërrimin e shtetit të Izraelit”.
Ai falënderoi kombet e tjera që gjithashtu njoftuan së fundmi njohjen, duke përfshirë Andorrën, Australinë, Belgjikën, Kanadanë, Luksemburgun, Maltën, Monakon, Portugalinë, Mbretërinë e Bashkuar dhe San Marinon.
Njohja “hap rrugën për negociata të dobishme, (dhe është) e dobishme për izraelitët dhe palestinezët” që punojnë drejt “një plani paqeje dhe sigurie për të gjithë”, shtoi Makron.
Konferenca, e bashkëkryesuar nga Franca dhe Arabia Saudite, vjen pas një takimi të ngjashëm në korrik.
Leave a Reply