“Europol”, zhvillohet Konventa Vjetore e Shefave të Policive

Në selinë e “Europol”-it në Hagë, më 23 dhe 24 shtator 2025, u zhvillua Konventa Vjetore e Shefave të Policive.

Konventa, e organizuar nga Europol-i dhe Presidenca Daneze e Bashkimit Evropian, ka mbledhur përfaqësues nga të gjitha vendet anëtare dhe partnere për të diskutuar sfidat e reja të sigurisë dhe mënyrat e forcimit të bashkëpunimit ndërkombëtar në luftën kundër krimit të organizuar.

Në qendër të diskutimeve ishin temat që lidhen kryesisht me krimin e organizuar ndërkombëtar, luftën kundër trafikimit të narkotikëve, pastrimin e parave, keqpërdorimin e shërbimeve financiare digjitale, si dhe format e reja të krimit financiar.