Gaza, të paktën 48 të vrarë nga sulmet izraelite

Të paktën 48 persona u vranë në sulmet izraelite në Rripin e Gazës, sipas burimeve palestineze.

Sipas raporteve të spitaleve, 12 palestinezë u vranë në Qytetin e Gazës, në territorin bregdetar verior, ku Izraeli nisi një ofensivë pavarësisht paralajmërimeve për një katastrofë humanitare.

”Shumë të tjerë thuhet se kanë vdekur në qendër dhe në jug të Rripit të shkatërruar”, sipas spitaleve lokale.

Ushtria izraelite tha se vrau një terrorist të përfshirë në sulmet e 7 tetorit në lagjen e refugjatëve Al-Shati në Qytetin e Gazës.

Sulmet, të udhëhequra nga grupi islamik Hamas, shkaktuan luftën në Gaza, e cila thuhet se ka shkaktuar deri tani 65 000 viktima.