Departamenti amerikan i Drejtësisë ka ngritur aktakuzë kundër ish-drejtorit të FBI-së, Xhejms Komej, në lidhje me dëshminë e tij para Kongresit amerikan.
Komej, i cili për kohë të gjatë ka qenë në shënjestër të kritikave të presidentit amerikan Donald Trump, akuzohet se ka gënjyer para Kongresit gjatë dëshmisë së tij në shtator të vitit 2020, lidhur me pyetjen nëse kishte autorizuar rrjedhjen e të dhënave të klasifikuar në media.
Duke reaguar ndaj aktakuzës, Komej tha se ndihet i pafajshëm dhe se “kam besim të madh në sistemin gjyqësor federal”.
Avokati i tij, Patrick J. Fitzgerald, tha në një deklaratë: “Xhejms Komej i mohon plotësisht akuzat e ngritura sot. Ne mezi presim ta shpallim të pafajshëm në gjykatë”.
Nëse shpallet fajtor, Komej mund të dënohet me burgim deri në pesë vjet.
Leave a Reply