Plani 20-pikësh i SHBA-së për t’i dhënë fund luftës në Gaza – duket se shkon përtej kornizës tipike të armëpushimit dhe negociatave për pengjet, duke i hapur rrugën Izraelit që – gradualisht t’ia dorëzojë territorin e pushtuar një force ndërkombëtare të sigurisë, sipas CNN.
Propozimi përcakton dy mënyra të mundshme. Në njërën, forcat izraelite do të tërhiqen në linjat e dakordësuara – nëse Hamasi pranon të lirojë të gjithë pengjet brenda 72 orëve.
Në tjetrën, nëse Hamasi refuzon, Izraeli do të vazhdojë ofensivën e tij ushtarake në Gaza dhe gradualisht do t’ia dorëzojë territorin një autoriteti të përkohshëm.
Në të dyja mënyrat, propozimi shënon herën e parë që Izraeli bie dakord publikisht që përfundimisht të tërhiqet nga Rripi i Gazës dhe t’ia dorëzojë territorin një force ndërkombëtare të sigurisë.
Propozimi nuk përcakton një afat kohor për këtë dorëzim pushteti.
Propozimi gjithashtu parashikon se Izraeli duhet të rrisë ndjeshëm ndihmën për Gazën edhe nëse Hamasi e refuzon propozimin.
Por, mbetet një pyetje e madhe: Si do ta sigurojë Izraeli lirimin e pengjeve nëse Hamasi refuzon?
Propozimi i SHBA-së nuk i përgjigjet kësaj pyetjeje. Kryeministri izraelit Benjamin Netanyahu tha se “Izraeli do ta përfundonte punën vetë” nëse Hamasi nuk e pranonte planin.
Leave a Reply