Gaza, të paktën 33 palestinezë të vrarë pas sulmeve izraelite

Të paktën 33 persona janë vrarë nga sulmet izraelite në Rripin e Gazës që prej mëngjesit të sotëm, njoftuan burime mjekësore.

Sipas spitaleve lokale, 24 nga viktimat janë regjistruar në qytetin e Gazës, ku Izraeli po vazhdon ofensivën ajrore dhe tokësore kundër grupit militant Hamas.

Ushtria izraelite tha se po godet objektiva militante në të gjithë Gazën dhe ka intensifikuar operacionet në Qytetin e Gazës, të cilin e konsideron si bastionin e fundit të Hamasit.

Në një deklaratë, ushtria bëri të ditur se trupat e saj  kishin vrarë dje pjesëtarë të grupeve të armatosura që po përpiqeshin të vendosnin eksplozivë, ndërsa marina izraelite shkatërroi një depo armësh të Hamasit.

Ushtria raportoi gjithashtu një sulm të dështuar nga Gaza, ku dy predha u qëlluan drejt Izraelit, por nuk arritën objektivin.