Një flotilë ndihmash për Gazën po i afrohet bregut të Rripit të Gazës, duke u qënë 150 milje detare larg territorit të rrethuar nga Izraeli, raportuan të martën mediat izraelite.
“Më shumë se 50 anije nga Flotila Globale Sumud kanë hyrë në rrezen e ndërprerjes së Izraelit dhe janë rreth 150 milje larg Gazës”, njoftoi transmetuesi publik izraelit KAN.
“Marina izraelite vazhdon përgatitjet për të kapur anijet në det”, shtohet më tej.
Për shkak të numrit të madh të mjeteve lundruese, ushtria po përgatitet të transferojë aktivistët në një anije të madhe luftarake dhe të tërheqë mjetet drejt Portit Ashdod në jug të Izraelit, me mundësinë që disa prej tyre të fundosen gjatë operacionit, informoi media.
U theksua se udhëheqja politike e Izraelit i ka urdhëruar ushtrisë të mos lejojë flotilën e ndihmave të hyjë në Gaza “nën asnjë rrethanë”.
Më herët të martën, Amnesty International lëshoi një deklaratë duke kërkuar mbrojtje për flotilën teksa ajo i afrohej brigjeve të Gazës, duke shprehur shqetësim për kërcënimet izraelite.
Leave a Reply