Kancelari gjerman Friedrich Merz i bëri thirrje Komisionit Evropian të reduktojë burokracinë, ndërsa udhëheqësit e BE-së u mblodhën në një samit informal, në Kopenhagë.
“Konkurrueshmëria e industrisë evropiane ka qenë tema kryesore në Bruksel për dy vitet e fundit dhe politika e BE-së për rregulloret duhet ta pasqyrojë këtë”, tha kancelari gjerman.
Ndërsa përpiqet të ndryshojë ekonominë e Gjermanisë të goditur nga recesioni, Merz ditët e fundit ka rritur presionin mbi presidenten e KE-së, Ursula von der Leyen, e cila ka udhëhequr komisionin që nga viti 2019.
Në një fjalim të premten në Këln, Merz tha se është “një evropian vërtet i bindur”.
Rregulloret gjithnjë e në rritje të BE-së nuk mund të vazhdojnë kështu”, shtoi ai.
“Tani duhet ta fusim shkopin në ingranazhet e kësaj makinerie në Bruksel, në mënyrë që të ndalet”, tha Merz.
Ai theksoi se nuk ishte kundër Evropës, por sipas tij, njerëzit po humbisnin mbështetjen për këtë projekt të madh evropian.
Leave a Reply