Ron Dermer, ministri për Çështjet Strategjike të Izraelit dhe Khalil al-Hayya, një nga liderët e #Hamas dhe objektivi i sulmit izraelit në #Doha të Katarit pak ditë më parë, do të drejtojnë delegacionet në negociatat për zbatimin e planit të paqes së Presidentit #Trump për Gazën.
Delegacionet e Izraelit dhe Hamasit, bashkë me ndërmjetësit, do të takohen në qytetin turistik të Egjiptit, Sharm El-Sheik, duke evituar kryeqytetin Kajro. Megjithatë nuk është konfirmuar ende një takim dhe negociatë direkte mes dy krerëve të delegacioneve.
Ministri izraelit #Dermer do të udhëtojë drejt Sharm El-Sheik veçmas delegacionit të tij, ndërsa mbeten edhe më sekret detajet e zhvendosjes nga Katari të kryenegociatorit palestinez Al-Hayya.
Pika e parë që do të diskutohet nga delegacionet është lirimi i pengjeve nga Hamas dhe më pas lirimi i të burgosurve palestinezë, sipas planit amerikan.
Leave a Reply