Kancelari gjerman, Friedrich Merz, akuzoi presidentin rus, Vladimir Putin se po zhvillon një luftë hibride kundër Gjermanisë. “Ai po zhvillon një luftë informacioni kundër nesh. Ai po zhvillon një luftë ushtarake kundër Ukrainës dhe kjo luftë drejtohet kundër të gjithëve ne”, theksoi Merz.
Merz akuzoi presidentin rus se po kërkon të përmbysë rendin politik evropian.
“Kjo është arsyeja pse ne e mbështesim Ukrainën”, shpjegoi Merz, duke shtuar se ”është në interesin e Gjermanisë të mbrojë rendin politik të shoqërive të hapura dhe liberale në Evropë”.
Kur u pyet konkretisht nëse Putin po zhvillonte një luftë kundër Gjermanisë, Merz u përgjigj se “ai po zhvillon një luftë hibride kundër nesh”.
Lidhur me rritjen e incidenteve me dronë në Gjermani dhe në të gjithë Evropën, Merz theksoi se ”Putin dëshiron të mbjellë frikë”.
Leave a Reply