Parlamentarët spanjollë miratuan një dekret që vendos një embargo armësh kundër Izraelit, një masë e mbështetur nga kryeministri socialist, Pedro Sanchez për të ndaluar, sipas tij, ”gjenocidin në Gaza”.
Projektligji u miratua me 178 vota pro dhe 169 kundër, me qeverinë e pakicës së Sanchez që më në fund mori mbështetjen e katër deputetëve nga partia e ekstremit të majtë Podemos, të cilët e kishin lënë votën e tyre të pasigurt deri sot në mëngjes.
“Kjo qeveri ka propozuar një embargo kundër qeverisë së Netanyahut për të ndaluar gjenocidin në Gaza dhe ju do të votoni kundër saj”, theksoi Pedro Sanchez Alberto Nunez Feijoo, kreut të Partisë Popullore, konservatore, të krahut të djathtë (PP).
Kjo embargo, e zbatuar në mënyrë efektive nga Spanja që nga tetori i vitit 2023 sipas Pedro Sanchez, u njoftua nga kryeministri më 8 shtator si pjesë e një sërë masash që synojnë “t’i japin fund gjenocidit në Gaza”.
Leave a Reply