Lëvizja palestineze “Hamas” konfirmoi arritjen e një marrëveshjeje me Izraelin, duke e cilësuar atë si një marrëveshje për t’i dhënë fund luftimeve dhe për tërheqjen e plotë të ushtrisë izraelite.
“Hamas” falenderoi negociatorët nga Katari, Egjipti dhe Turqia, duke vlerësuar edhe angazhimin e Presidentit amerikan, Donald Trump.
Më parë edhe qeveria e kryeministrit izraelit, Benjamin Netanjahu, konfirmoi arritjen e një marrëveshjeje me Hamasin, që do të mundësojë kthimin e shpejtë të pengjeve. Netanjahu tha në një deklaratë se do të mbledhë qeverinë për të miratuar marrëveshjen, duke falenderuar Presidentin amerikan, Trump. “Me ndihmën e Zotit do t’i kthejmë pengjet”, tha Netanjahu.
#Izraeli dhe #Hamas firmosën marrëveshjen e paqes, në përputhje me fazën e parë të planit #Trump. Lajmi u bë i ditur nga vetë Presidenti amerikan, Donald Trump, i cili u shpreh se shumë shpejt do të bëhet lirimi i pengjeve dhe trupat izraelite do të tërhiqen.
Trump falenderoi shtetet negociatore, si Katari, Egjipti dhe Turqia. Bisedimet e paqes u zhvilluan në Sharm El-Sheik të Egjiptit.
Plani i Presidentit Trump parashikon që pas lirimit nga Hamas të të gjithë pengjeve, të gjallë dhe të vdekur, Izraeli do të lirojë 250 të burgosur palestinezë, të dënuar me burgim të përjetshëm.
Leave a Reply