Presidenti i Izraelit, Isaac Herzog, ka vlerësuar rolin e presidentit amerikan Donald Trump në arritjen e një marrëveshjeje midis Izraelit dhe grupit palestinez Hamas për t’i dhënë fund luftës në Gaza, duke thënë se Trump meriton Çmimin Nobel për Paqen për përpjekjet e tij.
“Nuk ka asnjë dyshim se ai e meriton Çmimin Nobel për Paqen”, shkroi Herzog në platformën X duke e quajtur marrëveshjen “një mundësi për të shëruar, për t’u pajtuar dhe për të hapur një horizont të ri shprese për rajonin tonë”.
Trump njoftuar më herët se negociatat indirekte në Egjipt kishin sjellë një përparim të rëndësishëm. Sipas fazës së parë të planit amerikan të paqes, të gjithë pengjet që mbahen në Gaza do të lirohen dhe forcat izraelite do të tërhiqen deri në një vijë të rënë dakord. Hamas ka konfirmuar pjesëmarrjen e tij në marrëveshje.
Leave a Reply