Presidenti francez, Emanuel Makron ka riemëruar në mënyrë të papritur Sebastien Lekornu si kryeministër të vendit, disa ditë pasi ai dha dorëheqjen, njoftoi Pallati Élize. Lekornu, një aleat i ngushtë i Macron, mori detyrën si kryeministër vetëm katër javë më parë, por dha dorëheqjen më herët këtë javë për shkak të tensioneve qeveritare.
Makron më pas i dha dy ditë për të gjetur një rrugëdalje nga trazirat politike.
Pas bisedimeve me udhëheqësit e partive, Lekornu tha se ishte i bindur se Franca mund ta zgjidhte krizën e saj politike pa mbajtur zgjedhje të reja parlamentare.
Ai vuri në dukje se një “shumicë shumë relative” – e përbërë nga disa grupe politike, duke përfshirë pjesë të opozitës së krahut të majtë – ishte e gatshme të binte dakord për një buxhet dhe të siguronte stabilitet.
Makron ka qenë nën presion të madh kohor, sepse nëse Franca me borxhe të larta dëshiron të ketë një buxhet për vitin e ardhshëm në kohë, sipas kushtetutës, ai duhet t’i paraqitet parlamentit jo më vonë se të hënën dhe nga një kryeministër.
Franca është zhytur në një bllokim politik që nga zgjedhjet e parakohshme në mesin e vitit 2024, të cilat nuk lanë asnjë kamp me shumicë.
Leave a Reply