Trump në Knesset: Ditë historike dhe shprese për një rajon në paqe

Presidenti amerikan Donald Trump u prit me duartrokitje dhe brohoritje ndërsa nisi fjalimin e tij në Knesset, parlamentin izraelit, shkruan BBC.

“Vend i bukur …vërtet një vend i bukur. Jemi mbledhur në një ditë gëzimi të thellë dhe shprese të madhe”, theksoi ai,

”Ky moment do të mbahet mend në histori”, theksoi ai.

“Pas dy vitesh të tmerrshme të kaluara në errësirë ​​dhe robëri, 20 pengjet e guximshëm po kthehen në përqafimin e lavdishëm të familjeve të tyre, ndërsa 28 të dashur të tjerë të çmuar, më në fund po kthehen në shtëpi për të pushuar përgjithmonë në këtë tokë të shenjtë”, theksoi ai duke shprehur ngushëllime për 28 viktimat që nuk arritën të mbijetonin.

“Armët po heshtin. Rajoni tani është në paqe dhe të shpresojmë se do të mbetet i tillë përgjithmonë”, theksoi Trump.

Duke iu drejtuar kryeministrit izraelit Benjamin Netanyahu, ai tha: “Faleminderit shumë, Bibi. Punë e shkëlqyer”.