Avioni që transportonte sekretarin amerikan të Luftës, Pete Hegseth, në rrugën e kthimit të tij nga Brukseli në Uashington, ka deklaruar një situatë emergjence teksa ndodhej mbi Oqeanin Atlantik dhe është kthyer për t’u ulur në Mbretërinë e Bashkuar.
Avioni qeveritar “Boeing C-32A”, një version ushtarak i “Boeing 757”, mësohet se ka patur një krisje të xhamit të përparmë dhe është ulur fillimisht deri në një lartësi sigurie për të evituar problemet me presionin e ajrit. Avioni përdoret edhe nga zëvendëspresidenti amerikan dhe njihet si “Air Force 2”.
Sekretari amerikan i Luftës, Pete Hegseth, ndodhej në Bruksel, ku mori pjesë në mbledhjen e Ministrave të Mbrojtjes së NATO-s. I gjithë delegacioni amerikan nuk ka patur asnjë dëmtim gjatë incidentit.
Leave a Reply