Me një dekret të Presidentit Володимир Зеленський, Ukraina i ka hequr shtetësinë kryetarit të bashkisë së Odesës (në jug të vendit), Genadi Trukhanov, pasi Shërbimi i Sigurisë ka zbuluar se ai zotëronte një pasaportë ruse, të marrë në vitin 2015, një vit pas nisjes së agresionit të Moskës ndaj Krimesë.
Sipas materialeve të Shërbimit të Sigurisë së Ukrainës (SBU), ndonëse është kryebashkiak i një qyteti të rëndësishëm ukrainas në Detin e Zi, Trukhanov është edhe qytetar i Federatës Ruse dhe zotëron një pasaportë të vlefshme të “vendit pushtues”.
Të dhënat e shërbimeve ukrainase dëshmojnë se, ndonëse agresioni i Rusisë ndaj Ukrainës kishte filluar në vitin 2014, Krimeja ishte pushtuar, si edhe një pjesë e rajoneve të Doneckut dhe Luhanskut, Genadi Trukhanov më 15 dhjetor 2015 është pajisur me një pasaportë ndërkombëtare të Federatës Ruse, me vlefshmëri 10-vjeçare (ende e vlefshme).
Ndërkohë në vitin 2017, Trukhanov ka hequr dorë nga pasaporta e brendshme, por kjo nuk prek shtetësinë e tij ruse.
Sipas #SBU, Trukhanov ende mbetet një shtetas i vendit agresor, për më tepër duke zotëruar edhe një numër fiskal në Shërbimin Federal të Taksave të Federatës Ruse. Edhe kjo e dhënë është siguruar nga inteligjenca ukrainase.
Leave a Reply