Presidenti amerikan, Donald J. Trump, ka autorizuar Agjencinë Qendrore të Inteligjencës #CIA të kryejë operacione sekrete brenda territorit të Venezuelës për të frenuar fluksin e migrantëve dhe drogës që shkojnë nga vendi i Amerikës Latine drejt Shteteve të Bashkuara.
#Trump nuk ka dhënë detaje mbi angazhimin e operativëve të CIA-s në terren dhe nëse ata do të fokusohen ose jo në largimin nga pushteti të Presidentit #Maduro, por fokusi i agjentëve do të jenë kartelet e drogës, të shpallura organizata terroriste nga Departamenti i Shtetit.
Vendimi për përfshirjen e CIA-s në operacione nën mbulesë vjen pasi prej disa javësh forcat e ushtrisë amerikane të Komandës Jugore kanë kryer goditje të mjeteve të transportit detar në ujërat ndërkombëtare pranë Venezuelës. Sipas Departamentit të Luftës, në këto mjete transportohej drogë drejt SHBA-së, ndërsa narkoterroristët janë ekzekutuar.
Leave a Reply