Çarls, vizitë historike në Vatikan, lutje e përbashkët me Papën

Mbreti Çarls dhe Mbretëresha Kamila të Mbretërisë së Bashkuar do të vizitojnë Selinë e Shenjtë më 22-23 tetor 2025 për të takuar Papa Leonin XIV-të.

Një udhëtim i rëndësishëm dhe historik i çiftit mbretëror, pasi Mbreti Çarls do të jetë monarku i parë britanik në 500 vjet (prej ndarjes së Kishës Angleze nga Roma) që do të lutet në publik së bashku me kreun e Kishës Katolike.

Sipas axhendës, Papa Leoni XIV do të presë Mbretin dhe Mbretëreshën në Pallatin Apostolik. Më pas çifti mbretëror dhe #Papa do të marrin pjesë në një shërbesë speciale në Kapelën Sistina, dedikuar natyrës.

Çarls dhe Kamila do të vizitojnë Bazilikën Papnore të Shën Pjetrit dhe mbreti do të marrë pjesë në një seminar, ku trajnohet priftërinjtë nga vendet e Komunuelthit. Gjithashtu, mbreti Çarls do të takojë edhe Motrat Katolike që shërbejnë në vende të ndryshme të botës kundër dhunës ndaj grave dhe vajzave.