Kryeministri izraelit, Benjamin Netanjahu, është i vendosur të sigurojë kthimin e pengjeve të vdekura që janë ende në Gaza, dhe se vendi do të vazhdojë të luftojë terrorizmin me “forcë të plotë”, shkruan BBC.
Benjamin Netanjahu i bëri komentet disa orë pasi Hamasi ktheu trupat e dy pengjeve të tjera, por tha se ‘’nuk ishte në gjendje të kishte qasje te 19 të mbeturit’’.
Ka pasur zemërim në Izrael që Hamasi nuk i ka kthyer të gjitha trupat në përputhje me marrëveshjen e armëpushimit të javës së kaluar në Gaza, megjithëse SHBA-të e kanë minimizuar sugjerimin se kjo përbën një shkelje.
Hamasi tha më vonë se mbetet i përkushtuar ndaj armëpushimit, duke përfshirë “gatishmërinë për të dorëzuar të gjitha kufomat e mbetura”.
Në një deklaratë, akuzoi Netanjahun se pengoi aftësinë e tij për të kërkuar mbetjet e pengjeve duke mos lejuar makineri të rënda dhe gërmuese në Rripin e Gazës.
Leave a Reply