Nga Dorian KOÇI
Shuarja e Janusz Bugajskit shënon humbjen e një prej analistëve më të spikatur të Europës Lindore dhe të tranzicioneve postkomuniste. Si studiues i shquar i politikës së Ballkanit dhe hapësirës postsovjetike, Bugajski dha një kontribut të veçantë në kuptimin e proceseve demokratike dhe të sigurisë pas Luftës së Ftohtë.
Në vitet ’90, studimet e tij—si Ethnic Politics in Eastern Europe dhe Cold Peace: Russia’s New Imperialism—u bënë referenca të domosdoshme për kuptimin e konfliktit etnik dhe të strategjive të reja imperialiste të Rusisë. Si bashkëpunëtor në Center for Strategic and International Studies (CSIS) dhe në Jamestown Foundation, ai ndikoi ndjeshëm në formimin e politikave perëndimore ndaj Europës Lindore.
Bugajski mbetet një figurë që bashkoi profesionalizmin akademik me angazhimin moral për lirinë dhe pavarësinë e kombeve.
Trashëgimia e tij intelektuale do të mbetet udhërrëfyes për studiuesit e Luftës së Ftohtë dhe për të gjithë ata që besojnë në vlerat e demokracisë dhe të Europës së bashkuar.
(Marrë nga profili i autorit në “Facebook”)
Leave a Reply