Presidenti ukrainas, Volodimir Zelenski, përshëndeti vendimet e fundit të Shteteve të Bashkuara të Amerikës dhe të Bashkimit Europian për vendosjen e sanksioneve shtesë ndaj Rusisë.
“E prisnim këtë. Zoti na bekoftë, do të funksionojë. Kjo është shumë e rëndësishme”, tha ai, teksa mbërriti në një samit të BE-së në Bruksel.
Qeveria amerikane vendosi dje sanksione të reja ndaj Rusisë, duke goditur dy kompanitë më të mëdha të naftës në vend, vendimi i parë i këtij lloji që nga rikthimi i Donald Trump në Shtëpinë e Bardhë në janar.
BE-ja gjithashtu njoftoi dje paketën prej 19- masash ekonomike, duke përfshirë edhe ndalimin e importeve të gazit të lëngshëm rus (LNG).
Sulmet e vazhdueshme të Rusisë ndaj objekteve civile tregojnë se vendi nuk ka interes për paqe, tha Zelensky, duke folur pranë Presidentit të Këshillit Europian António Costa.
Zelensky po merr pjesë në samitin e BE-së në Bruksel, ku një nga temat në axhendë është ndihma financiare shtesë për Kievin.
Leave a Reply