Një gjykatë italiane ka miratuar ekstradimin e një të dyshuari ukrainas në Gjermani, në një rast që lidhet me sulmin ndaj gazsjellësit ”Nord Stream”, njoftoi avokati i të dyshuarit.
49-vjeçari u arrestua ndërsa po kalonte pushimet në Itali në fund të gushtit.
Ai konsiderohet si një nga organizatorët e dyshuar të sulmeve të vitit 2022 që dëmtuan tubacionet e gazit që lidhin Rusinë me Gjermaninë.
Prokurorët gjermanë e akuzojnë shtetasin ukrainas për shpërthimin dhe sabotimin e gazsjellësit.
Gjykata e Bolonjës kishte miratuar tashmë ekstradimin e tij në shtator, por avokati i të dyshuarit e çoi çështjen në Gjykatën e Kasacionit, e cila bllokoi dorëzimin për shkak të mangësive procedurale.
Gjykata e Kasacionit më pas e ktheu çështjen në Bolonjë, ku u caktua një gjykatë e sapokrijuar për të shqyrtuar çështjen.
Leave a Reply