Ushtria amerikane kreu sulme vdekjeprurëse ndaj anijeve që transportonin lëndë narkotike në Paqësorin lindor, duke shkaktuar vdekjen e 14 personave në tre sulme të ndara, tha sot shefi i Departamentit Amerikan të Mbrojtjes, Pete Hegseth. “Ka vetëm një të mbijetuar nga sulmet”, tha Hegseth ne X.
“Autoritetet meksikane koordinuan operacionet e shpëtimit pasi Komanda Rajonale e ushtrisë amerikane përgjegjëse për zonën (Southcom) i kishte nisur ato”, shkroi shefi i Pentagonit.
Në postimin e tij, Hegseth iu referua të vrarëve si “narko-terroristë” dhe tha se tetë persona ishin vrarë gjatë sulmit të parë, katër prej tyre gjatë sulmit të dytë dhe tre gjatë sulmit të tretë.
“Të gjitha sulmet ndodhën në ujërat ndërkombëtare dhe asnjë personel ushtarak amerikan nuk u plagos”, shkroi ai.
“Pentagoni ka shpenzuar mbi dy dekada duke mbrojtur atdheun e të tjerëve. Tani, ne po mbrojmë atdheun tonë”, shtoi ai.
Ai pretendoi se narko-terroristët kanë vrarë më shumë amerikanë sesa Al-Qaeda”, duke iu referuar organizatës terroriste radikale islamike përgjegjëse për sulmet e 11 shtatorit 2001 që vranë rreth 3 000 njerëz.
Nuk ka pasur konfirmim të pavarur të identitetit të dhjetëra personave të raportuar të vrarë nga forcat amerikane në Karaibe dhe Paqësor.
Leave a Reply