Presidenti i Turqisë, Rexhep Taip Erdogan, pënkujtoi sot (e mërkurë) 102-vjetorin e themelimit të Republikës së Turqisë, duke u zotuar të mbrojë unitetin, pavarësinë dhe forcën e kombit. “Ne po punojmë me gjithë fuqinë tonë për ta mbajtur Republikën e Turqisë të përjetshme”, tha Erdogan në një deklaratë zyrtare të publikuar nga Presidenca e Turqisë.
Duke e përshkruar republikën si shprehjen më të fundit të një tradite shtetërore shumë-shekullore të ndërtuar përmes sakrificës kombëtare, ai theksoi: “Republika e Turqisë është çatia e fundit e kombit tonë vetmohues që u përmbajt me gjithë forcën e tij ndaj lirisë dhe pavarësisë, pavarësisht vështirësive, mungesave dhe përpjekjeve gjatë ditëve më të dhimbshme të historisë sonë, hallka e fundit në zinxhirin e shteteve tona”.
“Me mëshirë përkujtoj heronjtë që për shekuj e kanë bërë këtë tokë atdheun tonë me gjakun dhe jetën e tyre”, shtoi Erdogan, duke nderuar ata që siguruan pavarësinë e Turqisë.
Presidenti theksoi vendosmërinë e Turqisë për t’u përballur me kërcënimet ndaj kohezionit shoqëror: “Pa u dhënë vlerë atyre që tregtojnë me kaosin dhe që synojnë unitetin dhe solidaritetin tonë kombëtar, ne, me vullnetin e Zotit, do të vazhdojmë të kapërcejmë pengesat, të prishim planet dhe të zhgënjejmë ata që ndjekin ambicie ekspansioniste”.
Erdogan vuri në dukje objektivat madhore të zhvillimit dhe sigurisë në kuadër të vizionit të Shekullit të Turqisë.
“Në përputhje me objektivat e Shekullit të Turqisë, ne po bëjmë hapa të rëndësishëm në çdo fushë,” tha ai, duke rikonfirmuar përpjekjet drejt një “Turqi pa terrorizëm, ku 86 milionë qytetarët tanë do të jetojnë në paqe”.
Ai theksoi gjithashtu rolin ndërkombëtar dhe aktivizmin diplomatik të Turqisë, duke nënvizuar se vendi mbetet i përkushtuar në mbrojtjen e drejtësisë në krizat globale.
Leave a Reply