Kosova bllokon 200 kg drogë të ardhur nga Shqipëria

Policia e Kosovës, në bashkëpunim të ngushtë me Agjencinë e Kosovës për Inteligjencë dhe Doganat e Kosovës, ka sekuestruar mbi 200 kilogramë marihuanë gjatë një operacioni të përbashkët antidrogë.

Droga dyshohet se ishte futur nga Shqipëria përmes një kamioni transportues, ishte kamufluar në një pjesë të rimorkios së mjetit.

Një person është arrestuar, ndërsa me urdhër të Prokurorisë Speciale të Republikës së Kosovës, i është caktuar masa e ndalimit prej 48 orësh.